Ég sé að ég virðist vera ein um að reka þessa síðu. Facebook má nú ekki alveg taka öll völd..

En hvað um það ég hef merkilegri fréttir að færa.

Í dag varð ein skvísan okkar 23 og þar með fyrst í hópnum til að verða gömul
Til hamingju með daginn Margrét Vala okkar, ég vona að hann hafi verið góður.
Við bíðum spenntar eftir að fylgja í fótspor þín seinna á árinu. :*

Koss og knús
Unnur og hinar.

Ég sé að þið eruð alltaf jafn virkar að blogga án mín...

Ég var að fá hugmynd.. Þar sem ég stoppa ekkert mjög lengi og mig langar til að hitta ykkur sem mest og oftast var ég að pæla hvort við ættum að hafa litlu-jól 21. des og fara annað hvort út að borða á Madonnu eins og hefðin segir til um eða ef að fjárráð eru naum að hittast bara og spila og hafa gjafaskipti.. Hvað segiði?

The English (patient)

Síðast en ekki síst er það hún Unnur okkar sæta sem á afmæli í dag

Hún rekur lestina og núna eru allar kvennópíurnar orðnar 22 ára

Elsku Unnur beibíkeiks! hafðu það sem allra best í dag og njóttu dagsins í botn! 
Við söknum þín og hlökkum til að hittast allar saman á klakanum um jólin

Þínar Kvennópíur

Afmælisbarn dagsins þennan daginn er Ragnheiður Lára.

Afmælisbarn dagsins er að þessu sinni er okkar heittelskaða Magga. Kellan er 22 ára og óskum við henni hjartanlega til hamingju með daginn. 

...spennt eftir bloggi frá Danmerkurförum. Ég vil fá að heyra fulla skýrslu og ef eitthvað er ekki prenthæft á veraldarvefnum má alveg senda mér póst. Eða msn eða eitthvað svoleiðis. Þið eruð nú soddan villidýr þegar þið komið saman (ekki ég samt)

Er ekki annars allt í góðu standi? (Allir í bóner) hehe. Ég kem heim 19.des. og fer aftur út 5.jan. Eruði ekki til í að gera eitthvað þá? Jæja það er verið að reka á eftir mér, við heyrumst!

Unnur.

Sælar Kaupmannahafnarfarar..

Ég hlakka mjöööööööööööööööög mikið til að fá ykkur, er að undirbúa heimsóknina á fullu

Ég ætlaði bara að láta ykkur vita að þið þurfið bara að koma með handklæði, og kannski sjampó  og þetta svona almenna snyrtidót hehe sem þið takið með ykkur í ferðalög. Ég á allt annað fyrir ykkur, sængur, rúmföt og dýnur allt ready fyrir ykkur uppáhaldin mín.

Ég ætla svo að koma og sækja ykkur uppá völl! get ekki beðið!

Náttla ef ykkur langar ENDILEGA að færa mér íslenskar gjafir í formi nammis eða grænum kristal plús þá er það alltaf gaman

Heyrumst sætu

Vala

Jæja þá erum bæði ég og Georg búin að gefast upp á Íslandi í bili. Hann kom í óvænta heimsókn um síðustu helgi (birtist bókstaflega á tröppunum án þess að ég hefði neina hugmynd þar um) og líkaði svo vel að núna í kvöld, viku seinna, ætlar hann að koma til að vera. Það gengur ekki að húka bara í vonlausu veðri og vonlausum efnahag þannig að við ákváðum að verða aftur hamingjusöm lítil fjölskylda og fá auk þess útborgað í pundum. Veit reyndar ekki hvað þessi draumur á eftir að standa lengi því að ég veit ekki í hvernig málum LÍN er. Veit það einhver? En við verðum allavega hérna fram í janúar og það verður vonandi komin einhver breyting þá.

Knús til ykkar allra í kreppunni (isl) og bjórnum (dk).

Sælar skvísur!!

Ég held að það sé kominn tími á kaffihús eða eithvern smá hitting! Hvað segið þið??
Látið ljós ykkar skína, koma svo!!!

 

Hættu að bíða eftir því að þú ljúkir námi, farir aftur í nám, að þú léttist um tíu kíló eða þyngist um annað eins, að þú gangir í hjónaband, fáir nýjan bíl og íbúð, að þú eignist barn, að börnin fari að heiman, að þú byrjir að vinna, að þú hættir að vinna.

Hættu að bíða eftir föstudagskvöldinu, að fjárhagurinn komist í lag, að útborgunardagur launa renni upp, að vorið gangi í garð, að sumarið banki uppá, að snjórinn byrji að falla.

Minnstu þess að núna er stundin til að vera hamingjusamur. Hamingjan er ferðalag, ekki ákvörðunarstaður. Hættu að bíða sífellt eftir tilefni til að verða hamingjusamur, hættu að drepa tímann því tíminn er þitt eigið líf.

Lifðu lífinu og njóttu augnabliksins.

Þú átt bara þetta eina líf.









Ragnheiður
p.s. þetta er stolið af öðru mjög flottu bloggi, vonandi að þeirri manneskju sé sama

Ég ætla að segja ykkur sögu. Það var einu sinni stelpa sem var voðalega spennt yfir að byrja aftur í skólanum. Hún var búin að vera í löngu fríi og var meira en tilbúin að takast á við heilan vetur af námi. Fyrsti dagurinn rennur upp bjartur og fagur, eftir kapphlaup við að koma öllum á fætur er brunað af stað til dagmömmu og barnið skilið eftir, hlaupið af stað í strætó ogt brunað upp í skóla. Eftir að hafa glaðst smá yfir að hafa náð í skólann á góðum tíma og örvænt pínu yfir að finna ekki skrifstofuna strax náði hún loks að spyrja réttan aðila hvar fyrirlesturinn sem hún átti að mæta í eftir 20 mín. væri staðsettur. Þá var henni tilkynnt það að það væru engir fyrirlestrar þessa viku heldur væri þetta bara skráningarvika. Svo að stelpan er í fríi enn eina vikuna. Hvenær verður frí fyrir bí?
                                               

Þá er haustið gengi í garð og skólarnir byrjaðir. Sumarið er eins og gamall draumur og nú er maður vaknaður og um að gera að drífa sig á fætur!

Haustið núna er allt öðruvísi en fyrir ári síðan. Þá þrammaði ég um allt með kúluna út í loftið, fór í jóga og meðgöngusund og var aðeins í 50% námi! Núna er maður heppin ef maður nær 5 tímum samfleytt í svefn, morgnanir fara svo í það að hlusta hálfsofandi á söngvaborg, gefa að borða, borða sjálfur, klæða sig og aðra, allt á sömu mínútunni!! Hlaupa svo út til að ná í tíma og að sjálfsögðu gleyma helmingnum af skóladótinu heima eða allavega símanum!
Svo fer dagurinn í það að reyna að læra, stressa sig á því hvað barnið sé að gera! hlaupa út tíma til að svara langömunni í símann,því hún getur ekki sett kerruna saman eða fest bílstólinn!

En nú fer þetta að koma, stráksi er að byrja á leikskóla, voða stór og fóstrurnar ættu að kunna þetta!

Vil svo láta vita að ég verð ekki við frá 16 - 21 okt því þá verð ég í köpen, hjá henni Völu, ætla að smygla mér heim til hennar svo ég geti séð bubba þann 18! Mæli eindregið að Unnur finni sér eitthvað lággjaldaflugfélag og komi líka til að hitta okkur kvennópíur!

Over and out!

Hvað segið þið annars um að hittast á brunch á vegó á sunnudeginum í hádeginu?

Ragnheiður

Jæja, ég sé að ég hef ekki misst af miklu þótt að ég hafi ekki verið í netsambandi í tvær vikur. Ég er allavega flutt inn, komin með síma og net og allt í góðu standi.
Goggi fór strax aftur til Íslands að klára flugið svo ég og Erik erum bara búin að vera að hanga tvö í tíu daga. Tengdó kemur svo í kvöld og hún ætlar að vera með Erik á meðan ég er í skólanum þangað til Goggi kemur aftur.
Núna bíð ég bara spennt eftir einhverjum sem vill koma í heimsókn.

P.s. Gsm: +44 779 432 2612
      Heima: +44 161 2259 253

Hæ allir

Ég er komin með nýjan Gemsa, skráið hann hjá ykkur: 4551315968

Hér er allt gott að frétta, íbúðin er æði, hverfið er æði bara allt er æði!!!

Bið að heilsa í bili

kveðja

Vala

Ég má til með að benda fólki á að ég og Ragnheiður birtumst í fréttatímarúv á laugardaginn og sunnudaginn

fyrir ykkur sem langar að sjá okkur í fréttunum bendi ég ykkur á eftirfarandi slóðir

http://dagskra.ruv.is/streaming/sjonvarpid/?file=4398020/12

og 

http://dagskra.ruv.is/streaming/sjonvarpid/?file=4398021/13

Eins og glögg augu sjá má sjá glitta í okkur Ragnheiði þarna múhahahah

kveðja

Vala